ផ្សាយព័ត៌មានផ្ទាល់
អ្នកនយោបាយមកពីគណបក្សសង្គ្រោះជាតិមានចំនួន ៥នាក់ រួមមាន៖
- អ្នកស្រី មួរ សុខហួរ តំណាងរាស្ត្រជាប់ឆ្នោតមណ្ឌលខេត្តបាត់ដំបង
- លោក ម៉ែន ថាវរិន្ទ តំណាងរាស្ត្រជាប់ឆ្នោតមណ្ឌលកំពង់ធំ
- លោក កែវ ភារម្យ តំណាងរាស្ត្រជាប់ឆ្នោតមណ្ឌលក្រចេះ
- លោក ហូរ វណ្ណ តំណាងរាស្ត្រជាប់ឆ្នោតមណ្ឌលភ្នំពេញ
- លោក រៀល ខេមរិន្ទ តំណាងរាស្ត្រជាប់ឆ្នោតមណ្ឌលស្វាយរៀង
អ្នកនយោបាយបីនាក់ដំបូង ត្រូវបានចាប់ខ្លួនកាលពីព្រឹកម្សិលមិញ អំឡុងពេលមានការប៉ះទង្គិចគ្នាយ៉ាងហិង្សា ដែលបានបំបែកការប្រមូលផ្តុំរបស់គណបក្សសង្គ្រោះជាតិ ដែលការប្រមូលផ្តុំនេះត្រូវបានធ្វើឡើងដើម្បីតវ៉ាលើការបិទទីលានប្រជាធិបតេយ្យអស់ជាច្រើនខែ។ លោក ហូរ វ៉ាន់ ត្រូវបានចាប់ខ្លួនបន្ទាប់កាលពីម្សិលមិញ នៅពេលលោកបានចូលទៅកាន់ស្នងការនគរបាលដោយស្ម័គ្រចិត្ត ហើយលោក រៀល ខេមរិន្ទ ត្រូវបានចាប់ខ្លួនកាលពីព្រឹកមិញនេះ។ អ្នកទាំងនោះ ត្រូវបានបញ្ជូនមកដល់តុលាការនាម៉ោង ៧ ព្រឹក ដោយមានការអមដោយកងនគរបាល និងកងរាជអាវុធហត្ថយ៉ាងច្រើន។
កែប្រែ ១០:៣០ ICT
មានការបិទផ្លូវដោយរបាំងនៅភាគខាងជើង និងខាងត្បូងផ្លូវចូលទៅកាន់តុលាការ ដូចដែលត្រូវបានធ្វើកាលពីសវនាការរបស់អ្នកទាំង ២៣ នាក់។ អ្នកគាំទ្រប្រមាណ ៥០០ នាក់ បានប្រមូលផ្តុំគ្នានៅភាគខាងជើងនៃផ្លូវចូលទៅកាន់តុលាការ។
សន្និសិទសារព័ត៌មាននៅទីស្នាក់ការគណបក្សសង្គ្រោះជាតិ កំពុងតែប្រព្រឹត្តិឡើង ហើយកំពុងដឹកនាំដោយអនុប្រធានគណបក្សសង្គ្រោះជាតិ លោក កឹម សុខា។ លោក បាននិយាយថា អំពើហិង្សានៅទីលានប្រជាធិបតេយ្យកាលពីម្សិលមិញ ត្រូវបានចាប់ផ្តើមឡើងដោយភាគីខាងអាជ្ញាធរ ហើយលោកមានភស្តុតាងបញ្ជាក់ពីព្រឹត្តិការណ៍នោះ។ លោកកំពុងបញ្ចាំងរីដេអូ ស្តីពីអំពើហិង្សាកាលពីម្សិលមិញ។
នៅក្នុងរូបភាពខាងលើ លោក កឹម សុខា កំពុងបង្ហាញនូវរូបភាពដែលអ្នកតំណាងរាស្ត្រទាំង ៥ នាក់ ត្រូវបានដាក់ខ្នោះដៃនៅខាងក្រោយខ្នង។
កែប្រែ ០៩:៤៤ ICT
នៅក្នុងសេចក្តីជូនដំណឹងរបស់រាជរដ្ឋាភិបាល ដែលបានចេញកាលពីម្សិលមិញ អង្គភាពព័ត៌មាន និងប្រតិកម្មរហ័សនៃទីស្តីការគណរដ្ឋមន្ត្រី នឹងធ្វើសន្និសិទសារព័ត៌មានមួយនៅវេលាម៉ោង ១១ ព្រឹកនេះ ស្តីអំពីអំពើហិង្សានៅទីលានប្រជាធិបតេយ្យ។ សន្និសិទ នឹងត្រូវបានធ្វើឡើងដោយលោក កែវ រ៉េមី រដ្ឋលេខាធិកាទីស្តីកាគណរដ្ឋមន្ត្រី។
សន្និសិទសារព័ត៌មានរបស់គណបក្សសង្គ្រោះជាតិ ឥឡូវបានបញ្ចប់។ លោក កឹម សុខា អំពាវនាវឲ្យអ្នកនយោបាយគណបក្សសង្គ្រោះជាតិទាំងអស់ រៀបចំទៅកាន់សាលាដំបូងរាជធានីភ្នំពេញភ្លាមៗបន្ទាប់ពីសន្និសិទ។
នៅភាគខាងជើងនៃផ្លូវចូលតុលាការ អ្នកតវ៉ាកំពុងបង្ហាញការគាំទ្ររបស់ខ្លួនទៅលើអ្នកតំណាងរាស្ត្រដែលត្រូវបានចាប់ខ្លួន។ អ្នកគាំទ្រម្នាក់ បានប្រាប់សាធារណជនថា នាងមកពីខេត្តកំពង់ឆ្នាំង ដើម្បីស្នើសុំឲ្យតុលាការដោះលែងតំណាងរាស្ត្រទាំងនោះ។ អ្នកគាំទ្រម្នាក់ទៀតបានស្នើសុំឲ្យតុលាការ កុំឲ្យចាប់អ្នកទាំងនោះដើម្បីជាការតថ្លៃក្នុងការឲ្យគណបក្សសង្គ្រោះជាតិចូលក្នុងសភា។
អ្នកសារព័ត៌មានឯករាជ្យ លោក Kevin Doyle កំពុងតាមដានព្រឹត្តិការណ៍នាថ្ងៃនេះ។ ដូចអ្នកគាំទ្រដទៃទៀតដែរ លោក បានកត់សម្គាល់ឃើញថាព្រឹត្តិការណ៍នេះ ជាព្រឹត្តិការណ៍នយោបាយដ៍សំខាន់មួយ។
If 5 Cambodian opposition lawmakers are jailed today, it gives Hun Sen strong bargaining chip to force opposition end boycott of parliament
— Kevin Doyle (@doyle_kevin) July 16, 2014
នៅភាគខាងត្បូងរបាំងផ្លូវចូលទៅកាន់តុលាការ មានអ្នកគាំទ្រយ៉ាងតិចណាស់ ៥០០ នាក់ កំពុងប្រមូលផ្តុំគ្នា ដើម្បីធ្វើឲ្យសម្លេងរបស់អ្នកទាំងនោះលឺដល់សាធារណជន។
កែប្រែ ១០:២៦ ICT
នៅលើគេហទំព័របណ្តាញទំនាក់ទំនងសង្គម ហ្វេសប៊ុក របស់កូនស្រីលោក កឹម សុខា កញ្ញា កឹម មនោវិទ្យា៖ លោក កឹមសុខា បានអំពាវនាវឲ្យមានការគាំទ្រពីសហគមន៍អន្តរជាតិ ដើម្បីឲ្យមានការដោះលែងតំណាងរាស្ត្រ ទាំង ៥ នាក់។
លោក វន់ ពៅ ប្រធានសមាគមប្រជាធិបតេយ្យឯករាជ្យនៃសេដ្ឋកិច្ចក្រៅប្រព័ន្ធ (IDEA) បានចូលរួមជាមួយក្រុមអ្នកគាំទ្រនៅភាគខាងត្បូងនៃរបាំងផ្លូវចូលតុលាការ។ លោក ពៅ គឺជាមនុស្សម្នាក់ក្នុងចំណោមអ្នកទាំង ២៣ នាក់ ដែលត្រូវបានចាប់ខ្លួនអំឡុងពេលបង្ក្រាបយ៉ាងហិង្សាកាលពីខែមករាលើបាតុករជាកម្មកររោងចក្រ។ បច្ចុប្បន្ននេះ លោកត្រូវបានដោះលែងពី ពន្ធនាគារ ក្រោយពេលមានការឃុំខ្លួនបណ្តោះអាសន្នអស់រយៈពេល ៦ខែក្នុងពន្ធនាគារ។
លោក បានប្រាប់ទៅក្រុមអ្នកគាំទ្រថា តំណាងរាស្ត្រគណបក្សសង្គ្រោះជាតិ ត្រូវបានចាប់ខ្លួន បានធ្វើការតវ៉ា ដើម្បីជួយឲ្យមានការដោះលែងលោក ហើយឥឡូវនេះ លោកសូមអំពាវនាវឲ្យមានការដោះលែងអ្នកទាំងនោះវិញ។
សម្រាប់ការពណ៌នាអំពីព្រឹត្តិការណ៍កាលពីម្សិលមិញនៅទីលានប្រជាធិបតេយ្យ សូមមើល សេចក្តីថ្លែងការណ៍ របស់អង្គការលីកាដូ។
កាសែត ភ្នំពេញប៉ុស្តិ៍ ក៏បានថតនូវព្រឹត្តិការណ៍នៃការតវ៉ា និងបង្ហាញអំពើហិង្សានៅក្នុងវិដេអូនោះ។
ការសួរចម្លើយតំណាងរាស្ត្រទាំង ៥ ត្រូវបានបញ្ចប់
មេធាវីតំណាងឲ្យអ្នកតំណាងរាស្ត្រទាំងនោះ បាននិយាយថា ការសួរចម្លើយកូនក្តីរបស់ខ្លួន ត្រូវបានបញ្ចប់។ រហូតមកដល់ពេលនេះ អ្នកទាំងនោះមិនទាន់ត្រូវបានចោទប្រកាន់ ហើយមិនទាន់មានបទបញ្ជាឲ្យដោះលែងណាមួយត្រូវបានធ្វើឡើងនោះទេ។
សូមស្វាគមន៍មកកាន់មជ្ឈមណ្ឌលផ្សាយ ព័ត៌មានអំពីព្រឹត្តិការណ៍នយោបាយ និងសិទិ្ធមនុស្សសំខាន់ៗ នៅក្នុងប្រទេសកម្ពុជា របស់យើងខ្ញុំ ។
នៅខណៈដែលស្ថានភាពត្រូវបានបង្ហាញ យើងនឹងផ្តល់នូវព័ត៌មានទាន់ហេតុការណ៍ពីទីតាំងផ្ទាល់ ពីអ្នកឃ្លាំមើលរបស់យើងខ្ញុំ និងប្រភពព័ត៌មានដែលអាចជឿទុកចិត្តបានដទៃទៀត ដូចជាអ្នកកាសែត និងដៃគូអង្គការមិនមែនរដ្ឋាភិបាលនានា។
LICADHO Website
Facebook
Twitter