ផ្សាយព័ត៌មានផ្ទាល់
អរុណសួស្តី និងសូមស្វាគមន៍មកកាន់ការផ្សាយព័ត៌មានផ្ទាល់របស់អង្គការ លីកាដូ នាថ្ងៃនេះ ស្តីពីព្រឹត្តិការណ៍នានានៃការតវ៉ាជំទាស់នឹងសេចក្តីព្រាងច្បាប់ស្តីពីសមាគម និងអង្គការមិនមែនរដ្ឋាភិបាល។ នាព្រឹកនេះ ព្រឹត្តិការណ៍ចំនួនពីរ ត្រូវបានគ្រោងទុក៖
- នៅម៉ោង ៩ព្រឹក ប្រជាពលរដ្ឋប្រមាណ ៥០០ នាក់ នឹងប្រមូលផ្តុំគ្នានៅមុខស្ថានទូតសហព័ន្ធរុស្ស៊ី និងរៀបចំធ្វើការដើរក្បួនឆ្ពោះទៅកាន់វិមានរដ្ឋសភា តាមបណ្តោយផ្លូវដែលត្រូវបានបង្ហាញនៅខាងលើ។ ក្រុមប្រជាពលរដ្ឋទាំងនោះ រួមមានអ្នកតំណាងមកពីក្រុមយុវជន អង្គការមិនមែនរដ្ឋាភិបាល សហជីព និងសហគមន៍ដីធ្លី។ បន្ថែមពីការដើរហែក្បួន ក្រុមប្រជាពលរដ្ឋក៏នឹងធ្វើការរាំ ច្រៀង និងគូសគំនូរលើផ្ទៃមុខរបស់អ្នកទាំងនោះ។ ក្បួនហែ នឹងមានសន្ទុះកាន់តែខ្លាំង ដោយមានការតវ៉ាមួយនៅមុខវិមានរដ្ឋសភា។
- ដោយចាប់ផ្តើមនៅម៉ោងប្រមាណ ៨ និង៣០ នាទី នាព្រឹកនេះ ក្រុមនៃអង្គការមិនមែនរដ្ឋាភិបាលមួយក្រុម រួមមាន គណៈកម្មាធិការសហប្រតិបត្តិការដើម្បីកម្ពុជា (CCC) វេទិកានៃអង្គការមិនមែនរដ្ឋាភិបាលស្តីពីកម្ពុជា (NGO Forum) មជ្ឈមណ្ឌលសិទិ្ធមនុស្សកម្ពុជា (CCHR) គណៈកម្មាធិការប្រព្រឹត្តិកម្មនៃអង្គការ-សមាគមការពារសិទិ្ធមនុស្សកម្ពុជា (CHRAC) នឹងរៀបចំព្រឹត្តិការណ៍ប្រឹក្សាយោបល់សង្គមស៊ីវិលមួយ នៅសណ្ឋាគារ កាំប៊ូឌីយ៉ាណា។ ក្នុងចំណោមរបៀបវីរៈដទៃទៀត អ្នកទាំងនោះនឹងធ្វើការពិភាក្សា និងវិភាគផ្នែកច្បាប់ទៅលើសេចក្តីព្រាងច្បាប់នោះ។
អ្នកតវ៉ាបានកំពុងធ្វើការជួបជុំគ្នានៅតាមបណ្តោយរបងស្ថានទូតរុស្ស៊ីភាគខាងកើត ចាប់តាំងពីម៉ោងប្រមាណ ៨ព្រឹកនេះមកម្ល៉េះ។ អ្នកទាំងនោះបានជួបជាមួួយក្រុមសន្តិសុខជាច្រើន ហើយអ្នកតវ៉ាទាំងអស់នោះត្រូវបានគេប្រាប់ឲ្យចាកចេញពីតំបន់នោះ។ ក្រុមសន្តិសុខទាំងអស់នោះ បាននិយាយថា អ្នកតវ៉ាមិនមានការអនុញ្ញាតពីអាជ្ញាធររាជធានីភ្នំពេញដើម្បីធ្វើការជួបជុំនោះទេ។ នៅភាគខាងជើងរដ្ឋសភា របាំងបន្លាលួសត្រូវបានគេដាក់ត្រៀមរួចជាស្រេច។
កែប្រែ ០៩:៤៨ ICT
ឥឡូវនេះ អ្នកតវ៉ាចំនួនប្រហែល ២៥០នាក់ កំពុងឈរនៅចំនុចចាប់ផ្តើមហែក្បួនដែលស្ថិតនៅជិតស្ថានទូតរុស្ស៊ី ខណៈពេលដែលអ្នកតវ៉ាមួយចំនួនច្រើនទៀតកំពុងតែធ្វើដំណើរមកដល់។ មុនពេលដែលអ្នកទាំងអស់នោះហែក្បួន អ្នកចូលរួមជាច្រើនកំពុងតែគូររូបនៅលើមុខដោយសរសេរថា "និយាយថាទេចំពោះ LANGO"។
កែប្រែ ០៩:៤៧ ICT
ក្បួននាថ្ងៃនេះ គឺជាផ្នែកមួយនៃយុទ្ធនាការដែលកំពុងត្រូវបានធ្វើឡើងជាបន្តបន្ទាប់ដោយក្រុមប្រជាពលរដ្ឋមូលដ្ឋាន និងអង្គការមិនមែនរដ្ឋាភិបាលក្នុងស្រុក និងអន្តរជាតិ ដើម្បីបញ្ឈប់ការអនុម័តច្បាប់ស្តីពីសមាគម និងអង្គការមិនមែនរដ្ឋាភិបាល។ ជាពិសេស ចាប់ពីថ្ងៃទី២៨ ដល់ថ្ងៃទី៣០ ខែមិថុនា ការតវ៉ាជាស៊េរីមួយ ត្រូវបានធ្វើឡើងនៅក្នុងរាជធានីភ្នំពេញ និងតាមបណ្តាខេត្តនានា។ ក្នុងការតវ៉ាជាច្រើន រួមមានសកម្មដូចជាការរាំ ច្រៀង ដើរក្បួន និងបង្ហោះប៉ោងប៉ោង។ កាលពីថ្ងៃទី៣០ ខែមិថុនា អ្នកដើរហែក្បួនមកពីរាជធានីភ្នំពេញ ត្រូវបានអាជ្ញាធរជាច្រើនរារាំង នៅតាមបណ្តោយផ្លូវជាច្រើន ប៉ុន្តែចុងក្រោយនៅតែអាចទៅប្រមូលផ្តុំគ្នានៅមុខវិមានរដ្ឋសភាបានដដែល។ រូបភាពខាងក្រោមបង្ហាញពីព្រឹត្តិការណ៍ជាច្រើនក្នុងរយៈពេលបីថ្ងៃ ហើយ ការផ្សាយព័ត៌មានផ្ទាល់ របស់ អង្គការ លីកាដូ កាលពីពេលមុន ក៏បានផ្សាយនូវព្រឹត្តិការណ៍នានាក្នុងថ្ងៃទី៣០ ខែមិថុនាផងដែរ។
From June 28-30, various sectors of Cambodian civil society conducted a spirited 3-day campaign to protest against two...
Posted by Licadho - Cambodian League for the Promotion and Defense of Human Rights on Wednesday, 1 July 2015
ព្រះសង្ឃកំពុងចែកបដារៀបចំក្នុងការហែរក្បួន
ប្រជាពលរដ្ឋប្រហែលជា ៥០០នាក់កំពុងឈរនៅទីតាំងដែលត្រូវចាប់ផ្តើមហែក្បួន ហើយអ្នកចូលរួមមួយចំនួនផ្សេងទៀតកំពុងតែបន្តជួបជុំគ្នា។ ក្រុមពលរដ្ឋទាំងនោះត្រូវបានបង្កើតឡើងដោយមានការចូលរួមពីបណ្តាសហគមន៍ជាង ៥០ ដែលស្ថិតនៅជំុវិញរាជធានីភ្នំពេញ និងតាមខេត្តដូចជា ខេត្តតាកែវ ខេត្តកណ្តាល និងខេត្តកំពង់ស្ពី ហើយក៏មានការចូលរួមពីបណ្តាសហជីព ក្រុមយុវជន អង្គការសង្គមស៊ីវិល និងព្រះសង្ឃផងដែរ។
កែប្រែ ០៩:៤៤ ICT
ពាក់ព័ន្ធនឹងការតវ៉ាជំទាស់ទៅនឹងច្បាប់ LANGO ដ៏ធំកន្លងមក យ៉ាងតិចណាស់ក្រុមអ្នកហែរក្បួនចំនួន ៦៥០នាក់បានចាប់ផ្តើមដើរក្នុងទិសដៅមួយឆ្ពោះទៅ កាន់វិមានរដ្ឋសភា។
អ្នកតវ៉ាជាច្រើន កំពុងហាត់សមក្នុងការរាំជាក្រុម
យុទ្ធនាការតវ៉ាជំទាស់នឹងសេចក្តីព្រាងច្បាប់សមាគម និងអង្គការ គឺជាយុទ្ធនាការមួយដែលមានលក្ខណៈច្នៃប្រឌិត និងពោពេញដោយថាមពល ដែលរួមមានទាំងការច្រៀងរាំថែមទៀតផង។ ជាផ្នែកមួយនៃយុទ្ធនាការ សកម្មជនជាយុវជន និងអ្នកតវ៉ាមួយចំនួនមកពីតំបន់បឹងកក់ បានរួមគ្នាតាក់តែងទំនុកច្រៀងជាថ្មីលើបទចម្រៀងដែលពេញនិយមមួយ ដែលមានចំណងជើងដើមគឺ "ខ្ញុំមិនសុខចិត្តទេ"។ អ្នកទាំងនោះបានដាក់ចំណងជើងថ្មីសម្រាប់បទចម្រៀងរបស់ខ្លួនថា៖ "យើងមិនត្រូវការច្បាប់នេះទេ"។ ទំនុកច្រៀង បានបង្ហាញពីសិទិ្ធរបស់ក្រុមសង្គមស៊ីវិលនានា ក្នុងការប្រមូលផ្តុំ និងបញ្ចេញមតិរបស់អ្នកទាំងនោះ។ ចម្រៀង ត្រូវបានច្រៀងនៅក្នុងការតវ៉ាជាច្រើន ហើយអ្នកធ្វើយុទ្ធនាការជាច្រើនបានរាំទៅតាមបទភ្លេងនោះ។ អង្គការ លីកាដូ និងអង្គការ លីកាដូ កាណាដា បានផលិតជាវីដេអូនូវបទចម្រៀងនោះ ដែលបង្ហាញនូវព្រឹត្តិការណ៍មួយចំនួននៃការតវ៉ាជំទាស់ទៅនឹងសេចក្តីព្រាងច្បាប់សមាគម និងអង្គការនោះ។ វីដេអូនេះ ត្រូវបានចែករំលែកយ៉ាងទូលំទូលាយនៅក្នុងបណ្តាញសង្គម។ ខាងក្រោមនេះ លោក Maina Kiai អ្នករាយការណ៍ពិសេសនៃអង្គការសហប្រជាជាតិទទួលបន្ទុកផ្នែកសិទិ្ធក្នុងការជួបជុំ និងបង្កើតសមាគម ដែលជាអ្នកបានតាមដាន និងគាំទ្រយុទ្ធនាការនេះ បានចែករំលែកវីដេអូនេះនៅលើបណ្តាញសង្គម Facebook របស់លោក៖
A creative way to get people's attention re the draft Association and NGO Law in Cambodia ...
Posted by Maina Kiai, UN Special Rapporteur on assembly and association on Friday, 3 July 2015
កែប្រែ ០៩:៣៧ ICT
នៅភាគខាងជើងវិមានរដ្ឋសភា អាជ្ញាធរបានដាក់របាំងដែកបិទផ្លូវ។ ក្រុមអ្នកហែរក្បួនកំពុងធ្វើដំណើឆ្ពោះទៅកាន់ទីនោះ ហើយអំពាវនាវស្នើសុំឲ្យអាជ្ញាធរដករបាំងបន្លាលួសនោះចេញ។
កែប្រែ ១០:០៧ ICT
អ្នកតវ៉ាពេលនេះបានមកដល់របាំងបិទផ្លូវហើយ។ អ្នកមួយចំនួនបានឡើងលើរបាំងដែក និងបានដាក់បដាលើរបាំងដែកនោះផងដែរ។ អ្នកហែរក្បួនមួយចំនួនកំពុងតែធ្វើការចរចាជាមួយនឹងអាជ្ញាធរដើម្បីសុំអនុញ្ញាតឆ្លងកាត់ខណៈេះពេលដែលអ្នកមួយចំនួនទៀតកំពុងតែច្រៀង និងរាំ នៅពីខាងក្រោយក្បួន។
កែប្រែ ១០:០៨ ICT
នៅមុខក្បួន លោក អ៊ី សារ៉ុម នាយកប្រតិបត្តិអង្គការមិនមែនរដ្ឋាភិបាលក្នុងស្រុកមួយឈ្មោះថា សមាគមធាងត្នោត (STT) (រូបភាពខាងលើ) កំពុងនិយាយពីការតវ៉ាជំទាស់របស់លោកទៅនឹងសេចក្តីព្រាងច្បាប់សមាគម និងអង្គការ។ នៅក្នុងឆ្នាំ ២០១១ ក្រសួងមហាផ្ទៃធ្លាប់បានដាក់បញ្ជា ព្យួរដំណើរការរបស់អង្គការក្នុងស្រុកមួយនេះ ដែលធ្វើការងារជាមួយសហគមន៍ក្រីក្រនៅក្នុងទីក្រុង ទាក់ទងនឹងសិទិ្ធដីធ្លី និងផ្ទះសម្បែង អស់រយៈពេល ៥ខែ។ មិនមានមូលហេតុផ្លូវច្បាប់ណាមួយ ត្រូវបានលើកឡើងនាពេលនោះស្តីពីការព្យួរការងារនោះទេ បន្ទាប់ពីអង្គការសមាគមធាងត្នោត បានចេញនូវរបាយការណ៍រួមមួយស្តីពីគម្រោងផ្លូវដែករបស់ធនាគារអភិវឌ្ឍន៍អាស៊ី។ សេចក្តីថ្លែងការណ៍រួម នេះ បានបង្ហាញយ៉ាងលំអិតនៃការព្យួរនេះ។
កែប្រែ ១០:០៤ ICT
នៅក្នុងព្រឹត្តិការណ៍ប្រឹក្សាយោបល់សង្គមស៊ីវិល នៅឯសណ្ឋាគារ កាំប៊ូឌីយ៉ាណា អ្នកចូលរួមបានបង្ហាញទស្សនជំទាស់យ៉ាងខ្លាំងទៅលើសេចក្តីព្រាងច្បាប់ស្តីពីសមាគម និងអង្គការមិនមែនរដ្ឋាភិបាល។ អង្គការវេទិកានៃអង្គការមិនមែនរដ្ឋាភិបាលស្តីពីកម្ពុជា (NGO forum) កំពុងបង្ហោះក្នុងបណ្តាញសង្គម Twitter ពីខាងក្នុងសណ្ឋាគារ។
Nhel Pheap, Take0 Community Rept: We do not accept this current #NGOLaw & we urge the government to drop this law
— The NGO Forum (@thengoforum) July 7, 2015
អាជ្ញាធរដែលនៅខាងក្រៅវិមានរដ្ឋសភាបានបដិសេធដករបាំងដែកចេញ នេះមានន័យថាក្រុមអ្នកហែរក្បួនមិនអាចធ្វើដំណើរតាមការគ្រោងទុកបានឡើយ។ ជំនួសមកវិញ អ្នកទាំងនោះបានដើរជារង្វង់នៅខាងមុខវិមានរដ្ឋសភា។ មនុស្សមួយចំនួនបានយកក្រម៉ាចងទៅនឹងក តៗគ្នា ហើយដើរជាសញ្ញាមួយបង្ហាញថា ច្បាប់អង្គការនេះបង្ករផលប៉ះពាល់អវិជ្ជមានអ្វីខ្លះដល់អង្គការសង្គមស៊ីវិលកម្ពុជា។
កែប្រែ ១០:៣៣ ICT
សូមស្វាគមន៍មកកាន់មជ្ឈមណ្ឌលផ្សាយ ព័ត៌មានអំពីព្រឹត្តិការណ៍នយោបាយ និងសិទិ្ធមនុស្សសំខាន់ៗ នៅក្នុងប្រទេសកម្ពុជា របស់យើងខ្ញុំ ។
នៅខណៈដែលស្ថានភាពត្រូវបានបង្ហាញ យើងនឹងផ្តល់នូវព័ត៌មានទាន់ហេតុការណ៍ពីទីតាំងផ្ទាល់ ពីអ្នកឃ្លាំមើលរបស់យើងខ្ញុំ និងប្រភពព័ត៌មានដែលអាចជឿទុកចិត្តបានដទៃទៀត ដូចជាអ្នកកាសែត និងដៃគូអង្គការមិនមែនរដ្ឋាភិបាលនានា។
LICADHO Website
Facebook
Twitter