ផ្សាយព័ត៌មានផ្ទាល់
ព្រឹត្តិការណ៍ដែលបានធ្វើឡើងពីមុន
សូមស្វាគមន៍មកកាន់ការផ្សាយព័ត៌មានផ្ទាល់របស់អង្គការ លីកាដូ ដែលនឹងផ្សាយអំពីព្រឹត្តិការណ៍ជាច្រើនដែលត្រូវបានប្រព្រឹត្តិឡើងតាមបណ្តាខេត្តមួយចំនួន និងរាជធានីភ្នំពេញ។
សហគមន៍ជាច្រើន បានប្រារព្ធទិវាសិទិ្ធមនុស្សតាំងពីថ្ងៃទី៦ ខែធ្នូ។ ព្រឹត្តិការណ៍មួយចំនួន ត្រូវបានប្រព្រឹត្តិឡើងកាលពីថ្ងៃអាទិត្យនៅក្នុងខេត្តពោធិ៍សាត់ និងកំពង់ឆ្នាំង ហើយម្សិលមិញព្រឹត្តិការណ៍ត្រូវបានប្រព្រឹត្តិឡើងនៅខេត្តបាត់ដំបង ព្រះសីហនុ និងបន្ទាយមានជ័យ ហើយនិងជាថ្ងៃទីមួយនៃការហែក្បួនរយៈពេលបីថ្ងៃចាប់ពីស្រុកឱរ៉ាល់ខេត្តកំពង់ស្ពឺមកកាន់ក្រុងកំពង់ស្ពឺ។
កែប្រែ ១២:៣៣ ICT
ការប្រារព្ធទិវានៅថ្ងៃទី ៦ ខែធ្នូ
ប្រជាពលរដ្ឋប្រមាណ ៦០០ នាក់ មកពីស្រុកចំនួន ៤ ក្នុងចំណោមស្រុកទាំង ៦នៃខេត្តពោធិ៍សាត់ ដែលរួមមានសមាជិកជាច្រើនមកពីក្រុមយុវជនចំនួន ២ក្រុម បានចូលរួមដើរហែក្បួននៅក្នុងក្រុងពោធិ៍សាត់កាលពីថ្ងៃទី ៦ ខែធ្នូ។ បន្ទាប់ពីព្រឹត្តិការណ៍នេះ ក្រុមប្រជាពលរដ្ឋបានធ្វើដំណើរទៅកាន់ទីសក្ការៈអ្នកតាឃ្លាំងមឿង ដើម្បីបួងសួងសុំសេចក្តីសុខ និងយុត្តិធម៌សម្រាប់សង្គម។
នៅក្នុងខេត្តសៀមរាប សហជីព BWTUC បានប្រារព្ធទិវាសិទិ្ធមនុស្សអន្តរជាតិ ១០ធ្នូ ដោយធ្វើវេទិកាសាធារណៈស្តីពីផលប៉ះពាល់នៃសេចក្តីព្រាងច្បាប់ស្តីពីសហជីព។
ទិវាសិទ្ធិមនុស្សអន្តរជាតិខួបទី៦៧ នៅថ្ងៃទី០៦ ខែធ្នូ ឆ្នាំ២០១៥ នេះនៅការិយាល័យខេត្ត សៀមរាប សហព័ន្ធសហជីពកម្មករសំណង់ និងព្រ...
Posted by សហព័ន្ធសហជីពកម្មករសំណង់ និងព្រៃឈើកម្ពុជា BWTUC on Saturday, 5 December 2015
ការប្រារព្ធទិវានៅថ្ងៃទី ៦ ខែធ្នូ
នៅក្នុងខេត្តកំពង់ឆ្នាំង សមាជិកសហគមន៍ ឡពាង បានដើរហែក្បួនតាមបណ្តោយផ្លូវជាតិលេខ ៥ ទៅកាន់សហគមន៍របស់អ្នកទាំងនោះ ជាទីកន្លែងដែលអ្នកចូលរួមនឹងធ្វើការពិភាក្សាអំពីបញ្ហាសិទិ្ធមនុស្សនានា។
ការប្រារព្ធទិវានៅថ្ងៃទី ៧ ខែធ្នូ នៅខេត្តព្រះសីហនុ
កាលពីម្សិលមិញ ប្រជាពលរដ្ឋជាង ៨០០ នាក់ បានចូលរួមក្នុងព្រឹត្តិការណ៍នៅក្នុងខេត្តព្រះសីហនុ ដែលមានការធ្វើវេទិការសាធារណៈ និងការហែក្បួនដោយរ៉ឺម៉ក់កង់បី ដែលត្រូវបានរៀបចំដោយប្រជាធិបតេយ្យឯករាជ្យនៃសេដ្ឋកិច្ចក្រៅប្រព័ន្ធ (IDEA). សហគមន៍ និងអង្គការមិនមែនរដ្ឋាភិបាលក្នុងស្រុក រួមជាមួយអាជ្ញាធរក្នុងតំបន់ ធ្វើការប្រារព្ធទិវាដោយមានការថ្លែងសុន្ទរកថា បង្ហោះប៉ោងប៉ោង ច្រៀងចម្រៀងសហគមន៍ និងរាំកំសាន្ត។
កែប្រែ ១៣:៤៨ ICT
ការប្រារព្ធទិវានៅថ្ងៃទី ៧ ខែធ្នូ នៅខេត្តបាត់ដំបង
ពលរដ្ឋជាង ៤០០នាក់ នៅក្នុងខេត្តបាត់ដំបង ដែលដឹកនាំដោយអ្នកតំណាងសហគមន៍ បឹងប្រាំ លោក ឆាន់ មុន្នី។ អង្គការ លីកាដូ អាដហុក បន្ទាយស្រី សមាគមIDEA និងអង្គការសហប្រជាជាតិ ក៏បានចូលរួមក្នុងការប្រារព្ធទិវានេះផងដែរ។
ក្រុមប្រជាពលរដ្ឋ បានដើរក្បួនពីរូបសំណាក់ស្ពាននាគ ជុំវិញទីក្រុង និងប្រារព្ធវេទិកាសាធារណៈស្តីពីបញ្ហាសិទិ្ធមនុស្ស៖
Posted by Ridan Sun on Sunday, 6 December 2015
កែប្រែ ១៣:២៨ ICT
ការប្រារព្ធទិវានៅថ្ងៃទី ៧ ខែធ្នូ នៅខេត្តបន្ទាយមានជ័យ
នៅខេត្តបន្ទាយមានជ័យ ពលរដ្ឋប្រមាណ ៦០០នាក់ បានចូលរួមដោយជិះគោយន្ត និងរ៉ឺម៉ក់កង់បីហែក្បួនពីក្រុងប៉ោយប៉ែត មកកាន់ក្រុងបន្ទាយមានជ័យ។
កែប្រែ ១៣:២៩ ICT
ការប្រារព្ធទិវានៅថ្ងៃទី ៧ ខែធ្នូ នៅខេត្តកំពង់ស្ពឺ (ថ្ងៃទីមួយ)
នៅខណៈនេះ អ្នកដើរក្បួនប្រមាណ ២០០នាក់ នៅក្នុងខេត្តកំពង់ស្ពឺ បានធ្វើការដើរក្បួននៅថ្ងៃទីមួយក្នុងចំណោមបីថ្ងៃនៃការដើរក្បួនរបស់អ្នកទាំងនោះ។ ក្នុងចំណោមអ្នកទាំងនោះ ពលរដ្ឋជនជាតិភាគតិចសួយ ៣៦នាក់ ដែលមកពីស្រុក ឱរ៉ាល់ និងរងគ្រោះដោយការរំលោភដីធ្លីដោយក្រុមហ៊ុន LYP Group (ជាក្រុមហ៊ុនរបស់សមាជិកព្រឹទ្ធសភាគណបក្សកាន់អំណាច លោក លី យ៉ុងផាត់) និងក្រុមហ៊ុន HLH Agriculture Company។
កែប្រែ ១៥:០៣ ICT
ការប្រារព្ធទិវានៅថ្ងៃទី ៨ ខែធ្នូ នៅខេត្តតាកែវ
នៅព្រឹកនេះ ព្រឹត្តិការណ៍នៅក្នុងខេត្តតាកែវ បានចាប់ផ្តើមដោយមានភ្លេងប្រពៃណី កំប្លែង និងការអានប្រវត្តិទិវាសិទ្ធិមនុស្សអន្តរជាតិ។ ប្រជាពលរដ្ឋជាង ៥០០នាក់ បានចូលរួមប្រារព្ធទិវានេះ។
កែប្រែ ១៥:០៦ ICT
ការប្រារព្ធទិវានៅថ្ងៃទី ៨ ខែធ្នូ នៅស្វាយរៀង
ប្រជាពលរដ្ឋប្រមាណ ៤៥០ នាក់ បានចូលរួមក្នុងព្រឹត្តិការណ៍ចំនួន ២ នៅក្នុងខេត្តស្វាយរៀង នៅស្រុករំដួល និងស្រុកស្វាយជ្រំ។
កែប្រែ ១៥:០៦ ICT
ការប្រារព្ធទិវានៅថ្ងៃទី ៨ ខែធ្នូ នៅខេត្តក្រចេះ
ប្រជាពលរដ្ឋជាង ៦០០នាក់ បានប្រារព្ធទិវាសិទិ្ធមនុស្ស ១០ធ្នូ នៅខេត្តក្រចេះ នាព្រឹកនេះ។ ព្រឹត្តិការណ៍នេះ រួមមានការធ្វើវេទិកាសាធារណៈដើម្បីពិភាក្សាអំពីបញ្ហាសិទិ្ធមនុស្ស និងលើកកំពស់ការយល់ដឹងអំពីសិទិ្ធមនុស្ស ហើយនិងសំនួរចម្លើយអំពី សិទិ្ធមនុស្ស។
ការប្រារព្ធទិវានៅថ្ងៃទី ៨ ខែធ្នូ នៅខេត្តសៀមរាប
ប្រជាពលរដ្ឋនៅខេត្តសៀមរាប បានប្រារព្ធទិវាសិទិ្ធមនុស្សអន្តរជាតិនៅមួយកន្លែងទៀតកាលពីព្រឹកមិញ ដោយមានមនុស្សចូលរួម ៧០០នាក់ មកពីក្រុមប្រជាពលរដ្ឋមូលដ្ឋាន សហជីព សមាគម និងអង្គការមិនមែនរដ្ឋាភិបាល បានហែក្បួនមកពីសហគមន៍បន្ទាយស្រី ស្គន់ តាពាន តានី និងរំចេក ហើយនិងសហគមន៍ផ្សេងៗទៀត ទៅកាន់អង្គឃ្យុងយូរ ជាកន្លែងដែលអ្នកទាំងនោះនឹងធ្វើវេទិកាសាធារណៈដើម្បីពិភាក្សាពីបញ្ហាសិទិ្ធមនុស្សដោយមានការថ្លែងសុន្ទរកថាដោយអ្នកតំណាងសមាគម IDEA អង្គការមិនមែនរដ្ឋាភិបាល និងសហគមន៍នានា អភិបាលខេត្ត ចៅក្រម និងអាជ្ញាធរអប្សរា។
កែប្រែ ១៥:១៤ ICT
សូមស្វាគមន៍មកកាន់មជ្ឈមណ្ឌលផ្សាយ ព័ត៌មានអំពីព្រឹត្តិការណ៍នយោបាយ និងសិទិ្ធមនុស្សសំខាន់ៗ នៅក្នុងប្រទេសកម្ពុជា របស់យើងខ្ញុំ ។
នៅខណៈដែលស្ថានភាពត្រូវបានបង្ហាញ យើងនឹងផ្តល់នូវព័ត៌មានទាន់ហេតុការណ៍ពីទីតាំងផ្ទាល់ ពីអ្នកឃ្លាំមើលរបស់យើងខ្ញុំ និងប្រភពព័ត៌មានដែលអាចជឿទុកចិត្តបានដទៃទៀត ដូចជាអ្នកកាសែត និងដៃគូអង្គការមិនមែនរដ្ឋាភិបាលនានា។
LICADHO Website
Facebook
Twitter