ផ្សាយព័ត៌មានផ្ទាល់
ស្វាគមន៏មកកាន់ទំព័ររបស់អង្គការ លីកាដូ សម្រាប់សវនាការអ្នកការពារសិទ្ធិមនុស្ស និងកម្មករដែលបានចាប់ខ្លួនកំឡុងពេលការប៉ះទង្គិចគ្នាយ៉ាងហិង្សាកាលពីខែ វិច្ឆិកា ឆ្នាំ២០១៣ និងខែ មករា ឆ្នាំ២០១៤។ មានសវនាការចំនួនបួននឹងកើតឡើង៖
- មនុស្សពីរនាក់ រួមទាំងអនីតិជនម្នាក់ដែលបានចាប់ខ្លួនកាលពីថ្ងៃទី១២ ខែវិច្ឆិកា ឆ្នាំ២០១៣ កំឡុងពេលការប៉ះទង្គិចគ្នាយ៉ាងហិង្សា រវាងកងកម្លាំងសន្តិសុខ កម្មករ និង សាធារណៈជនដែលបានបញ្ចប់ការដង្ហែររបស់ក្រុមកម្មកររោងចក្រ អេស អិល ។
- បុរស១០នាក់ រួមទាំងមេដឹកនាំសហជីព និងតំណាងសហគមន៏ ដែលបានចាប់ខ្លួនកាលពីថ្ងៃទី២ ខែមករា នៅខាងមុខរោងចក្រយ៉ាក ជីង ក្នុងរាជធានីភ្នំពេញ កំឡុងពេលវាយប្រហារយ៉ាងខ្លាំងក្លាពីសំណាក់កងទ័ពឆ័ត្រយោងពិសេស លេខ ៩១១ លើបាតុកម្មរបស់ក្រុមកម្មកររោងចក្រ។ ក្នុងចំណោមជនជាប់ចោទក្នុងករណីនេះរួមមាន លោក វន់ ពៅ ប្រធានសមាគមប្រជាធិបតេយ្យឯករាជ្យនៃសេដ្ឋកិច្ចក្រៅប្រព័ន្ធ លោក ថេង សាវឿន អ្នកសម្របសម្រួលសម្ព័ន្ធសហគមន៏កម្មករកម្ពុជា ចាន់ ពុទ្ធិស័ក្ក តំណាងសហគមន៏បឹងកក់ និង សុគន្ធសម្បត្តិពិសិទ្ធិ ជាសមាជិករបស់មជ្ឈមណ្ឌលសិទ្ធិកម្មករកម្ពុជា។
- បុរស បីនាក់ដែលបានចាប់ខ្លួនកាលពីព្រឹកថ្ងៃទី៣ ខែមករា នៅផ្លូវវ៉េងស្រេង តាមរយះការបង្ក្រាបយ៉ាងហិង្សាពីសំណាក់កងនគរបាលយោធាទៅលើក្រុមបាតុកម្មអហិង្សាខណៈពេលដែលពួកគេបានរាំនៅខាងមុខរោងចក្រ ធ្វើឲ្យការរំខានដល់ប្រជាពលរដ្ឋ និងកម្មករដូចគ្នា ទើបបណ្តាលឲ្យមានការប៉ះទង្គិចគ្នានៅពេលយប់។
- បុរស ១០នាក់ដែលបានចាប់ខ្លួនកាលពីថ្ងៃទី ៣ ខែមករា នៅពេលដែលកងកម្លាំងសន្តិសុខត្រូវបានដាក់ពង្រាយនៅតាមដងផ្លូវវ៉េង សេ្រង និងបានបណ្តាលឲ្យមានមនុស្សយ៉ាងតិច៤នាក់បានស្លាប់ មួយចំនួនច្រើនទៀតបានរងរបួស
កែប្រែ ១៦:៤១ ICT
នៅព្រឹកនេះកាសែតកម្ពុជា ដេលី បានរំលឹកយើងថា នៅតែគ្មានយុត្តិធម៌សម្រាប់ក្រុមគ្រួសាររបស់អ្នកដែលបានស្លាប់ កំឡុងពេលការប៉ះទង្គិចគ្នាកាលពីដើមខែមករា។
As Protesters Prepare for Court, No Justice for Dead http://t.co/UMbxcBpSIf
— The Cambodia Daily (@cambodiadaily) April 24, 2014កែប្រែ ១៧:០៨ ICT
នៅពេលល្ងាចនៃសវនាការថ្ងៃស្អែក អ្នកតំណាងសហគមន៏បឹងកក់បានរៀបចំសម្ភារៈសម្រាប់គាំទ្រនៅខាងក្រៅតុលាការ។ ម្នាក់ក្នុងចំណោមសហគមន៏របស់ពួកគេ គឺលោក ចាន់ ពុទ្ធិស័ក្ក ជាអ្នកដែលនឹងត្រូវបានជំនុំជម្រះនៅថ្ងៃស្អែកនេះផងដែរ។ អ្នកទាំងអស់នោះមានគម្រោងធ្វើដំណើរទៅកាន់សាលាដំបូងរាជធានីភ្នំពេញនៅវេលាម៉ោង ៨ព្រឹក។
ប្រធានសហព័ន្ធបញ្ញាវន្តកម្ពុជា លោក និច ទាវ បានបោះពុម្ពផ្សាយលិខិតមួយច្បាប់អំពាវនាវស្នើសុំសមាជិក សមាជិកា សិស្ស និស្សិត ឲ្យចួលរួមជាមួយប្រជាពលរដ្ឋ សហគមន៏ និងព្រះសង្ឃ ដែលនឹងធ្វើការប្រមួលផ្តុំគ្នានៅថ្ងៃស្អែក វេលាម៉ោង ៧ព្រឹក នៅខាងមុខសាលាដំបូងរាជធានីភ្នំពេញ។ លិខិតនេះអំពាវនាវស្វែងរកសិទ្ធិសេរីភាព យុត្តិធម៌ និងជំរុញឲ្យមានការដោះលែងអ្នកសេសសល់ទាំង ២១នាក់។
កែប្រែ ១៧:២៦ ICT
មើលព្រឹត្តិការណ៍ជុំវិញការចាប់ខ្លូន
កាលពីថ្ងៃទី៣ ខែមករា កាសែតជាភាសាអង់គ្លេសក្នុងស្រុក ឈ្មោះ ភ្នំពេញប៉ុស្តិ៍ បានថតយកវីដេអូនៃការប៉ះទង្គិចគ្នាយ៉ាងហិង្សាកាលពីថ្ងៃទី២ ទី៣ ខែមករា កំឡុងពេលដែលអ្នកទាំង ២៣ ត្រូវបានចាប់ខ្លួន។
អ្នកដែលត្រូវបានឃុំខ្លួនចំនួនពីរនាក់ ត្រូវបានចាប់ខ្លួនកំឡុងពេលវឹកវរកាលពីថ្ងៃទី ១២ ខែវិច្ឆិកា ត្រូវបានបង្ហាញនៅក្នុងវីដេអូខ្លីមួយរបស់អង្គការ លីកាដូ។
កែប្រែ ១៧:៤៨ ICT
អន្តរជាតិនៅតែបន្តដាក់សម្ពាធដើម្បីឲ្យមានការដោះលែងអ្នកទាំង ២៣នាក់
ករណីអ្នកទាំង ២៣នាក់នេះមានការយកចិត្តទុកដាក់យ៉ាងខ្លាំងក្លាពីសំណាក់អន្តរជាតិ។ ថ្ងៃនេះអង្គការ សម្ព័ន្ធសិទ្ធិមនុស្សអន្តរជាតិ (FIDH) សមាជិករបស់ខ្លួនអង្គការ លីកាដូ និងសហគមអាដហុកការពារសិទ្ធិមនុស្ស និងអភិវឌ្ឍន៏នៅកម្ពុជា (ADHOC) បានចេញសេចក្តីថ្លែងការណ៍អំពាវនាវស្នើសុំឲ្យតុលាការទម្លាក់បទចោទប្រឆាំងនឹងអ្នកទាំង២៣នាក់នោះ។ ដើម្បីអានសេចក្កីថ្លែងការណ៍ទាំងមូលសូមចូលចុចទីនេះ
អរុណសួស្តី និងសូមស្វាគមន៍មកកាន់ការផ្សាយផ្ទាល់អំពីសវនាការរបស់អ្នកទាំង ២៣រូប នាថ្ងៃនេះ។ ជនជាប់ឃុំទាំង ២១ នាក់ ដែលនៅតែបន្តជាប់ឃុំឃាំង បានមកដល់សាលាដំបូងរាជធានីភ្នំពេញ នៅម៉ោងប្រហែល ៦ និង ១៥នាទីព្រឹកនេះ ហើយអ្នកគាំទ្ររបស់អ្នកទាំងនោះមួយចំនួនតូច ក៏បានមកជូបជុំគ្នានៅមុខតុលាការហើយដែរ។ ក្នុងស្ថានភាពនោះ ក៏ឃើញមានវត្តមានរបស់កងសន្តិសុខជាច្រើន ដែលរួមមានកងរាជអាវុធហត្ថ និងនគរបាលប្រមាណ ២០០ នាក់ ត្រូវបានពង្រាយនៅក្នុងពហុកីឡាដ្ឋានជាតិអូឡាំពិក ដែលនៅទល់មុខសាលាដំបូងរាជធានីភ្នំពេញ។ ផ្លូវត្រូវបានបិទជុំវិញតុលាការ ចាប់ពីកំណាត់មហាវិថី ព្រះសីហនុ រហូតដល់រង្វង់មូលក្បែរវត្តព្រះពុទ្ធមានបុណ្យ។
តំណាងរាស្រ្តគណបក្សសង្រ្គោះជាតិ អ្នកស្រី មូ សុខហួរ ត្រូវបាននគរបាលរារាំងក្នុងការធ្វើដំណើរទៅកាន់តុលាការដោយឆ្លងកាត់របាំបិទផ្លួវនៅក្បែរវត្តព្រះពុទ្ធ។
កែប្រែ ០៧:៤០ ICT
សំណុំរឿងទាំងបួនត្រូវបានជំនុំជម្រះនៅក្នុងបន្ទប់សវនាការចំនួនបីផ្សេងគ្នា
- បន្ទប់សវនាការទី១ បុរស ១០នាក់ដែលបានចាប់ខ្លួននៅមុខរោងចក្រ យ៉ាក ជីង កាលពីថ្ងៃទី២ ខែមករា។
- បន្ទប់សវនាការទី ២ ករណីបុរស ៣នាក់ដែលបានចាប់ខ្លួននៅផ្លូវ វ៉េង ស្រេង កាលពីព្រឹកថ្ងៃទី ៣ ខែមករា និងករណី បុរសទាំង ១០នាក់នោះក៏ត្រូវបានចាប់ខ្លួននៅផ្លូវ វ៉េង ស្រេង នៅថ្ងៃនោះផងដែរ។
- បន្ទប់សវនាការទី៣ ករណីមនុស្សពីរនាក់ដែលបានចាប់ខ្លួនកាលពីថ្ងៃទី១២ ខែវិច្ឆិកា ឆ្នាំ២០១៣ នៅខ័ណ្ឌស្ទឹងមានជ័យ។
កែប្រែ ០៧:៥៧ ICT
ក្រុមអ្នកអង្គេតការណ៍មានវត្តមាននៅក្នុងបន្ទប់សវនាការ រួមមានមកពី៖
- គោលបំណងក្នុងការស្វែងរកយុត្តិធម៌
- ការិយាល័យឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្សប្រចាំកម្ពុជា
- អង្គការសម្ព័ន្ធខ្មែរជំរឿន និងការពារសិទិ្ធមនុស្ស លីកាដូ
- អ្នកការពារសិទ្ធិប្រជាពលរដ្ឋ
- គណៈមេធាវីរបស់សហរដ្ឋអាមេរិក (ABA)
- សមាគមអាដហុកការពារសិទ្ធិមនុស្ស និងអភិវឌ្ឍនៅកម្ពុជា (ADHOC)
- មជ្ឈមណ្ឌលសិទ្ធិមនុស្សកម្ពុជា (CCHR)
- អ្នកតំណាងមកពីស្ថានទូត ស៊ុយអ៊ែត
កែប្រែ ០៨:១៥ ICT
សវនាការកំពុងដំណើរការ
នៅក្នុងបន្ទប់សវនាការ ទី១ និង ទី៣ ជនជាប់ចោទ បានមកដល់សាលសវនាការ ហើយសវនាការត្រូវបានចាប់ផ្តើម។
កែប្រែ ០៨:១៥ ICT
លោក ង៉ែត ម៉ូសេ ជាសមាជិករបស់មជ្ឈមណ្ឌលអប់រំច្បាប់សម្រាប់សហគមន៏ បានបង្ហោះរូបក្រុមគ្រួសាររបស់លោក វន់ ពៅ នៅខាងក្រៅសាលសវនាការ។
3 sons and sister of Vorn Pao are at the court during the trial of #FreeThe23 this morning. Photo Maly Seng #Cambodia pic.twitter.com/GBfJvcThFc
— Moses (@mosesngeth) April 25, 2014សូមស្វាគមន៍មកកាន់មជ្ឈមណ្ឌលផ្សាយ ព័ត៌មានអំពីព្រឹត្តិការណ៍នយោបាយ និងសិទិ្ធមនុស្សសំខាន់ៗ នៅក្នុងប្រទេសកម្ពុជា របស់យើងខ្ញុំ ។
នៅខណៈដែលស្ថានភាពត្រូវបានបង្ហាញ យើងនឹងផ្តល់នូវព័ត៌មានទាន់ហេតុការណ៍ពីទីតាំងផ្ទាល់ ពីអ្នកឃ្លាំមើលរបស់យើងខ្ញុំ និងប្រភពព័ត៌មានដែលអាចជឿទុកចិត្តបានដទៃទៀត ដូចជាអ្នកកាសែត និងដៃគូអង្គការមិនមែនរដ្ឋាភិបាលនានា។
LICADHO Website
Facebook
Twitter