ផ្សាយព័ត៌មានផ្ទាល់
អារុណសួស្តី និងសូមស្វាគមន៍មកកាន់ការផ្សាយព័តមានរបស់អង្គការ លីកាដូ នៃសវនាការរបស់កម្មករ និងអ្នកការពារសិទ្ធិមនុស្សដែលបានចាប់ខ្លួនកំឡុងពេលការប៉ះទង្គិចគ្នាកាលពីខែមករា ឆ្នាំ២០១៤។ ជនជាប់ចោទអ្នកទាំង ២១នាក់ដែលមិនបានដោះលែងឲ្យនៅក្រៅឃុំបណ្តោះអាសន្នបានមកដល់សវនាការនៅម៉ោង ៦ព្រឹកនេះ។ អ្នកទាំងនោះត្រូវបានបញ្ជូនតាមរថយន្តពីពន្ធនាគារ ម១ ដែលជាកន្លែងដែលឃុំខ្លួនអ្នកទាំងនោះតាំងពីថ្ងៃទី២៤ ខែមេសា មុនថ្ងៃសវនាការចាប់ផ្តើមមួយថ្ងៃ។
កែប្រែ ០៩:០៦ ICT
សវនាការត្រូវបានធ្វើឡើងនៅសាលាដំបូងរាជធានីភ្នំពេញ។ កន្លងមកសវនាការបុរសទាំង ១០នាក់ដែលបានចាប់ខ្លួននៅខាងក្រៅរោងចក្រ យ៉ាក ជីង កាលពីថ្ងៃទី២ ខែមករា ត្រូវបានធ្វើឡើងនៅក្នុងបន្ទប់សវនាការទី១ ហើយសវនាការបុរស ១៣នាក់ដែលបានចាប់ខ្លួននៅផ្លូវវេង ស្រេង ត្រូវបានធ្វើឡើងនៅបន្ទប់សវនាការទី២។
កាលពីម្សិលមិញ ក្នុងបន្ទប់សវនាការទី១ លោក វន់ ពៅ ប្រធានសមាគមប្រជាធិបតេយ្យឯករាជ្យនៃសេដ្ឋកិច្ចក្រៅប្រព័ន្ធ (IDEA) បានផ្តល់ភស្តុតាងជូនតុលាការគ្រប់សវនាការ។ ពៅ ជាអ្នកដែលបានរងការវាយដំយ៉ាងខ្លាំងក្លាកំឡុងពេលចាប់ខ្លួន បានស្នើសុំពេលសម្រាកជាច្រើនលើកកំឡុងពេលសវនាការ ហើយនីតិវិធីត្រូវបានពន្យាដល់ពេលរសៀលដោយសារមូលហេតុសុខភាពរបស់លោក។ លោកនឹងឈរក្នុងរង្វង់ក្រចកសេះម្តងទៀតនៅព្រឹកនេះ។
ក្នុងបន្ទប់សវនាការទី២ ចៅក្រមទទួលយកភស្តុតាងរបស់ជនជាប់ចោទទាំងពី និងសាក្សីរបស់ព្រះរាជអាជ្ញា។ នៅពេលរសៀលក្រឡាបញ្ជីអានការផ្តល់សក្ខីកម្មរបស់សាក្សីដែលមិនមានវត្តមានក្នុងសវនាការ និងដើមបណ្តឹងរដ្ឋប្បវេណី។ នៅចុងបញ្ចប់ ភាគីដើមចោទ និងមេធាវីម្នាក់ក្នុងចំណោមជនជាប់ចោទទាំងពីរ បានបញ្ចប់ការសន្និដ្ឋានរបស់ខ្លួន។ មេធាវីរបស់ជនជាប់ចោទម្នាក់ទៀតនឹងបញ្ចប់ការសន្និដ្ឋានរបស់ខ្លួននៅព្រឹកនេះ។
ដើម្បីអានព័តមានលំអិតអំពីសវនាការថ្ងៃម្សិលមិញ សូមមើលការផ្សាយផ្ទាល់សវនាការថ្ងៃទី៤.
កែប្រែ ០៩:០៥ ICT
សវនាការនេះ កំពុងត្រូវបានតាមដានដោយប្រជាពលរដ្ឋជុំវិញពិភពលោក។ ដូចជា យុទ្ធនាការសប្បុរសធម៌របស់ប្រជាពលរដ្ឋអង់គ្លេស (UK campaigning charity) ពលកម្មនៅខាងក្រោយម៉ាក (Labour Behind the Label) បានបង្ហាញការគាំទ្ររបស់អ្នកទាំងនោះ៕
#Cambodian garment workers receive just 25% of a #livingwage @asiafloorwage. Demanding a wage you can live on is not a crime #FreeThe23
— LabourBehindTheLabel (@labourlabel) May 20, 2014សវនាការចាប់ផ្តើម
ក្នុងបន្ទប់សវនាការទី២៖ សវនាការបានចាប់ផ្តើម។ ក្រុមអ្នកអង្កេតការណ៍ក្នុងបន្ទប់សវនាការរួមមានតំណាងមកពី៖
- ការិយាល័យឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្សនៅកម្ពុជា
- មជ្ឈមណ្ឌលសិទិ្ធមនុស្សកម្ពុជា
- អង្គការ ទិសដៅយុត្តិធម៌ (Destination Justice)
- កាសែតភ្នំពេញប៉ុស្តិ៍
- កាសែតខេមប៊ូឌាដេលី
កែប្រែ ០៨:១៩ ICT
អ្នកថតរូបអាជីព លោក John Vink កំពុងនៅជាមួយសហគមន៍បឹងកក់ នៅពេលដែលអ្នកទាំងនោះកំពុងរៀបចំចាកចេញពីសហគមន៍របស់អ្នកទាំងនោះ ទៅកាន់តុលាការ។
Land rights activists ready to head for worker's trial protest. @oh_anderson http://t.co/80A5PNat6M
— John Vink (@vinkjohn) May 22, 2014
ដូចថ្ងៃមុនៗដែរ របាំងបិទផ្លូវត្រូវបានដាក់សងខាងផ្លូវទាំងទិសខាងជើង និងខាងត្បូងនៃតុលាការ ហើយអ្នកគាំទ្រកំពុងចាប់ផ្តើមប្រមូលផ្តុំគ្នា។
ក្នុងបន្ទប់សវនាការទី១៖ ចៅក្រមបានចាប់ផ្តើមធ្វើការសាកសួរខណៈដែលសាក្សីមានវត្តមានក្នុងសវនាការ។ ដើមបណ្តឹងរដ្ឋប្បវេណីមួួយចំនួនបានអវត្តមាន តែមេធាវីរបស់អ្នកទាំងនោះមានវត្តមានក្នុងតុលាការ ហើយនឹងធ្វើការជជែកដេញដោលក្នុងនាមជាតំណាងរបស់អ្នកទាំងនោះ។ មេធាវីរបស់ជនជាប់ចោទបានលើកឡើងថា វាមានភាពអយុត្តិធម៌ណាស់ដែលខ្លួនមិនអាចធ្វើការសាកសួរដើមបណ្តឹរដ្ឋប្បវេណី តែចៅក្រមបានអនុញ្ញាតឲ្យបន្តនីតិវិធី។
ក្រុមអ្នកអង្កេតការណ៍ក្នុងសវនាការរួមមានតំណាងមកពី៖
- ការិយាល័យឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្សនៅកម្ពុជា
- អង្គការ EWMI
- ស្ថានទូតអាមេរិក
- ស្ថានទូតសហគមន៍អ៉ឺរ៉ុប
- មជ្ឈមណ្ឌលសិទិ្ធមនុស្សកម្ពុជា
- ផ្ទះសាមគ្គី
កែប្រែ ០៨:៤៨ ICT
នៅក្នុងបន្ទប់សវនាការទី១ លោក វន់ ពៅ ប្រធានសមាគមប្រជាធិបតេយ្យឯករាជ្យនៃសេដ្ឋកិច្ចក្រៅប្រព័ន្ធ (IDEA) ទើបតែចាប់ផ្តើមផ្តល់សាក្ខីកម្មបន្ត។ សមាជិកសមាគម (IDEA) មកពីខេត្តបាត់ដំបង សៀមរាប និងបន្ទាយមានជ័យ បានចូលរួមតវ៉ានៅក្រៅតុលាការនាថ្ងៃនេះ។
លោក វន់ ពៅ កំពុងត្រូវបានសួរសំណួរដោយមេធាវីរបស់លោកអំពីព្រឹត្តិការណ៍ដែលបានកើតឡើងកាលពីថ្ងៃទី២ ខែមករា លោកបានរៀបរាប់ហេតុការណ៍នៅពេលដែលព្រះសង្ឃប្រទានពរដល់ប្រជាពលរដ្ឋ ប៉ុន្តែលោកត្រូវបានព្រះរាជអាជ្ញាដែលជាអ្នកបាននិយាយថាព្រះសង្ឃមិនគោរពវិន័យដែលបានចែងដោយក្រសួងធម្មការ និងសាសនា កាត់សម្តីរបស់លោក។ មេធាវីរបស់លោក វន់ ពៅ បានបញ្ជាក់ថាព្រះសង្ឃមិនត្រូវទទួលការផ្តន្ទាទោសនោះទេ។ ពៅ បានស្នើសុំឲ្យលោកមេបញ្ជាការកងទ័ពពិសេសលេខ ៩១១ ចូលមកផ្តល់សក្ខីកម្មទាក់ទងនឹងវិន័យរបស់អង្គភាពលោក។ ជំនួសមកវិញ តំណាងរបស់ក្រសួងធម្មការ និងសាសនា កំពុងធ្វើការផ្តល់ភស្តុតាងជូនតុលាការ ហើយបាននិយាយថាព្រះសង្ឃមិនគួរចូលរួមក្នុងបាតុកម្មឡើយ។ លោកក៏បាននិយាយទៀតថា រ៉ឺម៉កកង់បីរបស់ព្រះសង្ឃនៅរោងចក្រ យ៉ាក ជីង មានដុំថ្ម។
ដឹកនាំដោយព្រះសង្ឃ អ្នកតវ៉ាបានចាប់ផ្តើមដើរហែក្បួនជុំវិញតុលាការ។
ក្នុងបន្ទប់សវនាការទី១៖ តំណាងរបស់ក្រសួងធម្មការ និងសាសនានៅតែបន្តផ្តល់ភស្តុតាងជូនតុលាការអំពីឥរិយាបទរបស់ព្រះសង្ឃ។ លោកបាននិយាយថា ព្រះសង្ឃដែលនៅរោងចក្រ យ៉ាក ជីង មិនគួរចូលរួមក្នុងបាតុកម្មនោះទេ។ ពៅ បានឆ្លើយតបទៅវិញថា ព្រះសង្ឃបាននិមន្តទៅកាន់ទីនោះដើម្បីប្រៀនប្រដៅប្រជាពលរដ្ឋកុំឲ្យប្រើប្រាស់អំពើហិង្សា ដែលជាការទូន្មានមួយក្នុងព្រះពុទ្ធសាសនា។
ព្រះរាជអាជ្ញារង បានលើកឡើងថាព្រះសង្ឃដែលផ្តល់ភស្តុតាងការពារជនជាប់ចោទមិនគួរត្រូវបានអនុញ្ញាតនោះឡើយ។ ថ្ងៃសវនាការពីរថ្ងៃដំបូង ព្រះសង្ឃជាច្រើនអង្គមានវត្តមាននៅក្នុងតុលាការរង់ចាំផ្តល់ភស្តុតាងការពារជនជាប់ចោទ។ នៅថ្ងៃនេះក្រុមព្រះសង្ឃមិនមានវត្តមានក្នុងតុលាការទេ។
កែប្រែ ០៩:៣៥ ICT
នៅក្នុងបន្ទប់សវនាការទី២ មេធាវីការពារជនជាប់ចោទ កំពុងបន្តការសរុបសេចក្តីរបស់ខ្លួន។
អ្នកទាំងនោះបដិសេធថា ខាងអយ្យការមិនបានផ្តល់ភស្តុតាងគ្រប់គ្រាន់ក្នុងការអះអាងថាជនជាប់ចោទបានប្រព្រឹត្តនូវបទល្មើសណាមួយដូចអ្វីដែលបានចោទប្រកាន់នោះឡើយ។ លើសពីនេះទៅទៀតមិនមានភាគីដើមបណ្តឹងណាម្នាក់ ឬសាក្សីខាងអយ្យការណាម្នាក់ បានស្គាល់ជនជាប់ចោទណាម្នាក់នោះឡើយ ដោយគ្រាន់តែសំដៅលើជនអនាធិបតេយ្យមួយក្រុមប៉ុណ្ណោះ។
មេធាវីការពារជនជាប់ចោទ ក៏បានអះអាងថាជនជាប់ចោទ គឺជាជនរងគ្រោះ ដោយអ្នកទាំងនោះត្រូវបានគេវាយធ្វើបាប និងរងរបួសអំឡុងពេលចាប់ខ្លួន។
សូមស្វាគមន៍មកកាន់មជ្ឈមណ្ឌលផ្សាយ ព័ត៌មានអំពីព្រឹត្តិការណ៍នយោបាយ និងសិទិ្ធមនុស្សសំខាន់ៗ នៅក្នុងប្រទេសកម្ពុជា របស់យើងខ្ញុំ ។
នៅខណៈដែលស្ថានភាពត្រូវបានបង្ហាញ យើងនឹងផ្តល់នូវព័ត៌មានទាន់ហេតុការណ៍ពីទីតាំងផ្ទាល់ ពីអ្នកឃ្លាំមើលរបស់យើងខ្ញុំ និងប្រភពព័ត៌មានដែលអាចជឿទុកចិត្តបានដទៃទៀត ដូចជាអ្នកកាសែត និងដៃគូអង្គការមិនមែនរដ្ឋាភិបាលនានា។
LICADHO Website
Facebook
Twitter